سفنج بدون اختمار

في وعاء كبير، حط الفرينة، الملح والخميرة الكيميائية، وخلطهم مليح.

زيد الزيت وبدا تخلط بأطراف صبعك حتى يدخل الزيت في الفرينة.

بدا تزيد الماء الدافئ تدريجيا وخلط بيديك حتى تتلم العجينة وتولي طرية وتلصق شوية.

غطّي الوعاء وحط العجينة ترتاح 10 دقائق برك، باش تشرب الماء وتولي مطاطية.

بعد 10 دقايق، بَلل يديك بشوية ماء، واخدم العجينة بقوة لمدة 5 دقايق، كل مرة طويها واضربها على الوعاء.

سخن الزيت في مقلة على نار متوسطة. لازم الزيت يكون سخون مليح وماشي قليل.

بَلل يديك بالزيت، وارفد كرة صغيرة من العجين، اعمل ثقب في الوسط باش تجي مدورة.

حط الحبة تاع السفنج غير بالعقل في الزيت السخون، وبدا ترمي عليها الزيت بالمغرف باش تنتفخ.

كي تحمار من جهة، اقلبها باش تحمار من الجهة الثانية وتطيب مليح من الداخل.

نحي السفنج من الزيت وحطه فوق ورق ماص يتشرب الزيت الزايد.

قدم السفنج وهو سخون مع السكر، العسل، ولا قهوة حليب.