كسكس بالسردين

نحط السردين في إناء ونتبلوه بشوية ملح، فلفل أسود، وكمون، نخلطوهم مليح ونخلوه يتشرب التتبيلة شوية.

في قدر على النار، نحطو نص كمية زيت الزيتون، البصل المفروم، الثوم ونقليوهم حتى يذبال البصل ويصير لونه ذهبي فاتح.

نزيدو الطماطم المرحية، الطماطم المصبرة، باقي الكمون والفلفل الأحمر والفلفل الحار (إذا استعملناه)، نقليهم شوية.

نمرقو الخليط بشوية ماء ساخن، نملحو ونخلوه يطيب على نار هادية لمدة 10 دقايق حتى تتسبك الصلصة.

في جهة أخرى، نوجدو الكسكس: نحطوه في جفنة، ندهنوه بشوية زيت زيتون ونرشوه بالماء ونفتلوه بين يدينا حتى يتشرب الماء.

نحطو الكسكس يفور في الكسكاس فوق القدر اللي فيه الصلصة، نفوروه المرة الأولى لمدة 15 دقيقة حتى يطلع البخار.

بعد ما يفور الكسكس المرة الأولى، نحطوه في الجفنة، نرشوه بشوية ماء وملح ونحلوه بالشوكة ونخلوه يبرد شوية.

في هذي الأثناء، نستفو السردين المتبل فوق الصلصة في القدر، بلا ما نخلطوه باش ما يتفتتش.

نعاودو نرجعو الكسكس يفور المرة الثانية فوق السردين والصلصة لمدة 15-20 دقيقة أخرى حتى يطيب الكسكس مليح ويولي طري.

لما يطيب الكسكس، نحطوه في طبق التقديم، نزيدو فوقو السردين ونسقيوه بالصلصة السخونة ونرشوه بالكزبرة الخضراء المقطعة.

يقدم الكسكس بالسردين سخون، وبالصحة والهنا.