كسكس بالقرعة الحمراء

نقطع البصل رقيق، والطماطم نقشروها ونرحوها في الروبو، والقرعة الحمراء نقشرها ونقطعها مكعبات كبيرة شوية.

في قدر الكسكس (البرمة)، نحط الزيت، ونقلي البصل حتى يذبل ويصير شفاف.

نضيف اللحم (إذا استعملناه) ونقلوه مع البصل شوية حتى يتغير لونه.

نزيد الطماطم المرحية والطماطم المصبرة والتوابل (ملح، فلفل أسود، فلفل عكري، قرفة)، ونخلط مليح ونخليها تتقلى على نار هادية 5-7 دقائق حتى تخرج ريحة البنة.

نضيف الحمص والماء الساخن، ونغطي القدر ونخليها طيب حتى يدخل الطياب في اللحم (إذا استعملناه).

في هذي الأثناء، نحضر الكسكس: نحطو في جفنة، ندهنوه بملعقة زيت، ونرش عليه نص كاس ماء بارد ونحلّوه بيدينا حتى يتشرب ويولي كل حبة وحدها.

نحط الكسكس في الكسكاس ونفوروه فوق القدر اللي راهي طيب فيه المرقة، نخليوه يفور مليح حتى نشوفو البخار طلع منو كامل.

نحو الكسكس من الكسكاس، نحطوه في الجفنة، نرشو عليه شوية ملح و نص كاس ماء واحد آخر، ونخلطو بيدينا ونخلوه يتشرب، ثم نعاودو نفوروه للمرة الثانية بنفس الطريقة.

كي يفور الكسكس للمرة الثانية، نزيدو القرعة الحمراء للمرقة باش طيب وتجي بنينة، وكي تطيب نحي القرعة باش ماتتفتتش.

بعدما يطيب الكسكس مليح، نحووه من الكسكاس، ندهنوه بملعقة كبيرة زبدة أو زيت زيتون ونفتوه مليح بيدينا باش مايلصقش.

نقدم الكسكس سخون في طبق كبير، نحطو الكسكس هو الأول، نسقوه بالمرقة السخونة ونزينوه بقطع القرعة والحمص واللحم (إذا استعملناه).

نقدرو نزيدو فلفل حار مقلي ولا مخلل للتقديم، يمد بنة هايلة.