خبز محشي بالجبن

في وعاء كبير، خلطي الفرينة، الخميرة، السكر، الملح والحليب بودرة.

زيدي الزيت وبداي تبسي العجينة بأطراف صبعتيك حتى يدخل الزيت مليح.

زيدي الماء الدافئ بشوية وبداي تلمي العجينة، لازم تكون طرية وتتلاصق شوية في اليد.

اعجني العجينة لمدة 10 دقائق حتى تولي ملساء ومطاطية، تقدري تستعملي العجانة.

دهني الوعاء بشوية زيت، حطي العجينة فيه وغطيها وخليها تخمر في بلاصة دافية حوالي ساعة حتى يتضاعف حجمها.

كي تخمر العجينة، هبطيلها الخمور، قسميها لكرات صغار متساوية، حلي كل كرة بيدك أو بالحلال.

حطي كمية مليحة من الجبن في وسط كل قطعة عجين، لمي الأطراف للوسط وشكليهم كرات صغار، لازم تغلقيهم مليح باش ما يخرجش الجبن.

ستفيهم في سنيوة مدهونة بالزيت أو عليها ورق طهي، غطيهم وخليهم يخمرو 15 دقيقة أخرى.

سخني الفور على 180 درجة مئوية، ادهني الخبز بصفار البيض ورشي عليه السانوج.

طيبيه في الفور السخون لمدة 20 حتى 25 دقيقة، ولا حتى ياخذ لون ذهبي شباب من الفوق والتحت.

كي يطيب، خرجيه وغطيه بطرشونة نظيفة قعدي عليه 5 دقائق باش يبقى طري، وشهية طيبة.