الكعك التلمساني

في قصعة كبيرة، اخلط الفرينة مع السكر، الملح، الخميرة وحبة الحلاوة مليح حتى يتجانسوا.

زيد الزيت تدريجيا و بسس الفرينة براحة يدك، يعني احكيها بين يديك حتى تتشرب كل الزيت و تشوفيها مرملة.

صب ماء الزهر بالتدريج و لم العجينة حتى تتحصلي على عجينة طرية و متماسكة. ما تعجنيش بزاف، غير لميها.

غطي العجينة بكيس بلاستيكي و خليها تخمر في مكان دافي لمدة ساعة حتى يتضاعف حجمها.

كي تخمر العجينة، دياجازيها بلطف و قسميها كويرات صغار، كل كويرة بحجم حبة بيض.

حلي كل كويرة حربوش طويل و رقيق، ثم شكليها دائرة و لصقي الأطراف مليح باش ما تتفتحش في الطياب.

ستفي حبات الكعك في سنيوة مدهونة بالزيت أو عليها ورق طهي، و خليهم يريحو ربع ساعة.

سخني الفرن على درجة حرارة 180 درجة مئوية.

ادهني وجه الكعك بالبيض المخفوق و رشي عليه الجلجلان.

طيبيه في الفرن المسخن لمدة 20-25 دقيقة، حتى يصير لونه ذهبي شباب من التحت و الفوق.

خرجي الكعك من الفرن و خليه يبرد تماما قبل ما تقدميه.