طاجين السردين في الفرن

أول حاجة، سخني الفرن على 200 درجة مئوية.

جيبي السردين المنظف وحطيه في إناء كبير. تبّليه بالثوم، نص كمية المعدنوس، الكمون، الفلفل العكري، الفلفل الحار، نص كمية عصير الليمون، شوية زيت زيتون، ملح وفلفل أسود. خلطيهم مليح بيديك وخلي السردين يتشرب البنة شوية (15 دقيقة على الأقل).

في طاجين الفرن ولا سنيوة، فرشي طبقة من دوائر البصل والفلفل.

حطي السردين فوق طبقة البصل والفلفل، وزعيه مليح باش يطيب كامل.

زيدي حطي دوائر الطماطم فوق السردين بشكل مرتب.

ديري رشة مليحة من الزيت الزيتون اللي بقى، وزيدي باقي عصير الليمون وباقي المعدنوس.

إلا شفتي الخضرة ما طلقتش الماء بزاف، زيدي نص كوب ماء في الجوانب باش ما يتحرقش الطاجين.

غطّي الطاجين بورق الطهي ومن بعد ورق الألومنيوم، ودخليه للفرن لمدة 30 دقيقة حتى يطيب السردين والخضرة تبدا تذبال.

نحي الغطاء وخليه يزيد يطيب 10-15 دقيقة أخرى حتى يتحمر السردين وياخذ لون ذهبي شباب.

خرجيه من الفرن وخليه يرتاح شوية قبل ما تقدميه.

قدمي طاجين السردين سخون مع خبز الدار ولا كسرة، وشهية طيبة!