برانية باذنجان باللحم

نقطع الباذنجان دوائر أو أصابع، نرش عليه الملح ونخليه يقطر من الماء 30 دقيقة.

في قدر، نحط الزيت يسخن مليح، نقلي اللحم حتى يتغير لونه ويتحمر شوية.

نضيف البصل المفروم والثوم ونقليهم مليح حتى يذبل البصل ويصير ذهبي.

نزيد الطماطم المرحية والمصبرة، الكمون، الفلفل الأسود والملح، ونخليهم يتقلاو شوية على نار هادية.

نمرق بماء ساخن حتى يتغطى اللحم، ونزيد الحمص، نغلق القدر ونخليه يطيب على نار متوسطة حتى يطيب اللحم والحمص.

في مقلاة، نسخن الزيت ونقلي قطع الباذنجان اللي كنا صفيناها ونشفناها، حتى تأخذ لون ذهبي من كل الجهات.

كي يطيب اللحم والحمص، نحط قطع الباذنجان المقلية في المرق بلطف، ونقدر نزيد حبة فلفل حار.

نخلي البرانية تتجمر 10-15 دقيقة على نار قليلة باش تتشرب النكهات.

نذوق ونعدل الملح إذا لازم، ونطفي النار.

نزينها بالمعدنوس المفروم عند التقديم. وبالصحة والراحة!